संजय साबळे व मनिषा डांगे यांची ‘अखिल भारतीय मराठी साहित्य परिषदेच्या’ कोल्हापूर जिल्हाध्यक्षपदी निवड

 संजय साबळे व मनिषा डांगे यांची ‘अखिल भारतीय मराठी साहित्य परिषदेच्या’ कोल्हापूर जिल्हाध्यक्षपदी निवड

कोल्हापूर | दि. २९ जुलै २०२५ । मराठी साहित्य, शिक्षण, समाजप्रबोधन आणि सांस्कृतिक जडणघडणीत मोलाचे योगदान देणाऱ्या दोन प्रतिभावंत कार्यकर्त्यांची ‘अखिल भारतीय मराठी साहित्य परिषद’च्या कोल्हापूर जिल्ह्याच्या नेतृत्वपदी निवड झाल्याची आनंददायक बातमी आज जाहीर झाली.

परिषदचे राष्ट्रीय संस्थापक-अध्यक्ष डॉ. शरद गोरे (पुणे) यांच्या हस्ते ही नियुक्ती अधिकृतपणे जाहीर करण्यात आली असून, कर्नाटक प्रदेशाध्यक्ष सीमाकवी रवींद्र मारुती पाटील यांच्या शिफारशीवरून ही दोनही निवडी झाल्या.

संजय गोपाळ साबळे – कोल्हापूर जिल्हाध्यक्ष

साहित्य, शिक्षण आणि सामाजिक जाणिवांचे समन्वय साधणारे व्यक्तिमत्त्व!

मा. श्री. संजय गोपाळ साबळे (सहाय्यक शिक्षक, दि न्यू इंग्लिश स्कूल, चंदगड) हे गेली दोन दशके मराठी भाषा, विद्यार्थी घडवणं, ग्रामीण साहित्यिक वाटा दृढ करणं यामध्ये कार्यरत आहेत.

🔹 शैक्षणिक पात्रता: एम.ए. (मराठी), एम.ए. (इतिहास), बी.एड

🔹 सेवा अनुभव: २०+ वर्षे

🔹 संपादकीय कार्य: ‘खेडूत शिक्षण समाचार’ मासिकाचे कार्यकारी संपादक

🔹 प्रकाशित साहित्य: १६ हून अधिक पुस्तके (कविता, चारोळ्या, प्रेरणादायी लेखन)

🔹 पुरस्कार: ९ शिक्षक सन्मान, ३ उत्कृष्ट साहित्य पुरस्कार

त्यांच्या कार्यशक्तीला आणि शिस्तप्रिय नेतृत्वगुणांना दाद देत, त्यांच्या निवडीचे सर्व स्तरांतून स्वागत होत आहे.या निवडीमुळे कोल्हापूर जिल्ह्यातील मराठी साहित्य चळवळीला नवी दिशा आणि नवसंजीवनी मिळेल, असा विश्वास व्यक्त होत आहे.

“संजय सर हे शब्दांच्या माध्यमातून समाजाला जागं ठेवणारे लेखक असून, मराठी शिक्षकांच्या पिढ्यांना प्रेरणा देणारे व्यक्तिमत्त्व आहेत,” असे सीमाकवी रवींद्र पाटील यांनी प्रतिक्रिया दिली.

मनिषा उदय डांगे – कोल्हापूर जिल्हा महिला जिल्हाध्यक्ष

प्रशासन, शिक्षण, महिला सक्षमीकरण आणि समाजभान यांचं संगमस्थान म्हणजे मनिषा डांगे यांचा प्रवास!

शिक्षण: B.A. (शिवाजी विद्यापीठात प्रथम क्रमांक व विद्यापीठ प्रतिनिधी), M.A., B.Ed (O-grade) ,नोकरी: सहशिक्षिका – हेरवाड हायस्कूल , पूर्व अनुभव: माजी नगराध्यक्ष – कुरुंदवाड नगरपालिका, माजी सदस्य – जिल्हा नियोजन समिती, कोल्हापूर

५००+ व्याख्याने व कथाकथन कार्यक्रम,विद्यार्थ्यांना कौशल्य व नैतिक मार्गदर्शन ,महिला विषयक कार्यशाळा आणि मोफत वैयक्तिक कौन्सेलिंग ,'कळी उमलताना' यांसारख्या विषयांवर सत्रांचे आयोजन ,स्वतःचे यूट्यूब चॅनल – ‘ज्ञान आणि संस्कार’

आदर्श शिक्षिका व आदर्श राजकीय व्यक्तिमत्त्व पुरस्कार ,मलेका प्रेरणा सन्मान, आदर्श महिला पुरस्कार ,स्मार्ट सिटीसाठी ₹१ कोटी अनुदान मिळवून देण्याचा ऐतिहासिक सन्मान (मुख्यमंत्री श्री. देवेंद्र फडणवीस यांच्याहस्ते)

“डांगे मॅडम यांच्या नेत्रदीपक नेतृत्वामुळे जिल्ह्यातील महिलांच्या साहित्यिक सहभागाला नवे परिमाण मिळेल,” असे प्रदेशाध्यक्ष रवींद्र पाटील यांनी नमूद केले.

ही दोनही निवडी म्हणजे साहित्य परिषदेसाठी केवळ पदनियुक्त्या नाहीत, तर त्या सृजनशील विचार, सामाजिक भान, आणि प्रेरणादायी नेतृत्वाच्या नव्या पर्वाची सुरुवात ठरणार आहेत.

डॉ.शरद गोरे व सीमाकवी रवींद्र पाटील यांच्याकडून संजय साबळे सर व सौ. मनीषा डांगे मॅडम यांना साहित्यसेवेच्या नव्या प्रवासासाठी प्रेरणादायी शुभेच्छा दिल्या व कार्यातून साहित्यविश्वाला नवसंजीवनी लाभो, हीच अपेक्षा! व्यक्त केली .

 कोल्हापूर जिल्ह्यात साहित्य क्षेत्रात नवा उत्साह!जिल्हाभरातून आणि सीमाभागातून दोन्ही मान्यवरांचे मन:पूर्वक अभिनंदन केले जात आहे.