संजय गोपाळ साबळे यांची ‘अखिल भारतीय मराठी साहित्य परिषद’ कोल्हापूर जिल्हाध्यक्षपदी निवड

 संजय गोपाळ साबळे यांची ‘अखिल भारतीय मराठी साहित्य परिषद’ कोल्हापूर जिल्हाध्यक्षपदी निवड

कोल्हापूर :  २९ जुलै २०२५ : मराठी साहित्य, शिक्षण आणि सामाजिक चळवळीतील सक्रीय सहभागासाठी परिचित असलेले मा. श्री. संजय गोपाळ साबळे (सहाय्यक शिक्षक, दि न्यू इंग्लिश स्कूल, चंदगड) यांची ‘अखिल भारतीय मराठी साहित्य परिषद’च्या कोल्हापूर जिल्हाध्यक्षपदी निवड करण्यात आली आहे.

ही नियुक्ती संस्थेचे राष्ट्रीय संस्थापक-अध्यक्ष डॉ. शरद गोरे (पुणे) यांनी अधिकृतरित्या  नियुक्तीपत्र देवून  जाहीर केली. सीमाभागातील साहित्यसेवक व कार्यकर्ते सीमाकवी रविंद्र मारुती पाटील (प्रदेशाध्यक्ष – कर्नाटक) यांनी त्यांची या पदासाठी शिफारस केली होती.

डॉ. शरद गोरे यांची प्रतिक्रिया : "संजय साबळे यांची जिल्हाध्यक्षपदी निवड ही साहित्य व संस्कृती क्षेत्रातील एक सकारात्मक आणि प्रेरणादायी घटना आहे. त्यांचे कार्य, विचार आणि संयमशील नेतृत्व संस्थेला नवा आयाम देईल, असा मला विश्वास आहे."

सीमाकवी रविंद्र पाटील यांची प्रतिक्रिया –

"संजय साबळे यांची जिल्हाध्यक्षपदी निवड ही साहित्यिक कार्यातील त्यांच्या सातत्यपूर्ण योगदानाची पावती आहे. ते केवळ संघटनशील नाहीत, तर नवोदित साहित्यिकांना आधार देणारे मार्गदर्शकही आहेत. त्यांच्या नेतृत्वात जिल्हा स्तरावर मराठी साहित्य क्षेत्र अधिक बहरेल, असा मला पूर्ण विश्वास आहे."

संजय साबळे सर परिचय - 

शैक्षणिक पात्रता : एम.ए. (मराठी), एम.ए. (इतिहास), बी.एड ,सेवा : २० वर्षांहून अधिक ,मासिक कार्य : ‘खेडूत शिक्षण समाचार’ या मासिकाचे कार्यकारी संपादक

प्रकाशित साहित्य : १६ पेक्षा अधिक पुस्तके (कविता, विचारलेखन, चारोळ्या, प्रेरणादायी लेखन)पुरस्कार : ९ जिल्हा व राज्यस्तरीय शिक्षक पुरस्कार, ३ उत्कृष्ट साहित्य पुरस्कार

"चंदगड तालुक्याच्या शिरपेचात मानाचा तुरा!"

संजय साबळे हे चंदगड मराठी अध्यापक संघाचे प्रभावी मार्गदर्शक… त्यांच्या जिल्हाध्यक्षपदी निवडीमुळे कोल्हापूर जिल्ह्याच्या नकाशावर अगदी शेवटच्या टोकाला असलेला चंदगड तालुका आज नव्या उंचीवर पोहचेल. ही केवळ निवड नाही, तर शिक्षण व साहित्य क्षेत्राला मिळालेला सन्मान आहे. मराठी शिक्षकांच्या हक्कासाठी सजगतेने उभा राहणारा आवाज आता जिल्हा स्तरावर प्रतिनिधित्व करणार याचा मनस्वी अभिमान वाटतो.

त्यांच्या निवडीमुळे कोल्हापूर जिल्ह्यातील मराठी साहित्याला नवी दिशा, नवसंजीवनी मिळेल असा विश्वास साहित्य क्षेत्रात व्यक्त होत आहे.

नियुक्तीबद्दल संजय साबळे सर यांचे सर्व स्तरातून अभिनंदन होत आहे.