चंदगडमध्ये उद्या आमदार शिवाजी पाटील यांच्या लाडक्या बहिणींसाठी भव्य ‘भाऊबीज सोहळा’

चंदगडमध्ये उद्या आमदार शिवाजी पाटील यांच्या लाडक्या बहिणींसाठी भव्य ‘भाऊबीज सोहळा’

भाजप महिला प्रदेशाध्यक्षा आ. चित्रा वाघ यांची प्रमुख उपस्थिती 

चंदगड प्रतिनिधी :चंदगड विधानसभा मतदारसंघाचे आमदार शिवाजी पाटील (भाऊ) यांच्या वतीने उद्या शुक्रवार, दि. २४ ऑक्टोबर रोजी चंदगड येथे मतदारसंघातील लाडक्या बहिणींसाठी भव्य भाऊबीज सोहळ्याचे आयोजन करण्यात आले आहे.

या विशेष सोहळ्यात भारतीय जनता पक्षाच्या महिला प्रदेशाध्यक्षा व आमदार सौ. चित्रा वाघ यांची प्रमुख उपस्थिती राहणार आहे, अशी माहिती भाजपा कार्यालय, ईनाम सावर्डे येथून प्रसिद्ध पत्रकाद्वारे देण्यात आली.

प्राप्त माहितीनुसार हा भव्य सोहळा दुपारी १२ वाजता चंदगड येथील सेंट स्टीफन इंग्लिश मीडियम स्कूलच्या मैदानावर पार पडणार आहे.
या कार्यक्रमात आमदार शिवाजी पाटील आपल्या लाडक्या बहिणींना भेटणार असून, उपस्थित महिलांना मा. आ. सौ. चित्रा वाघ यांचे मार्गदर्शन लाभणार आहे.

भाऊबीज सणानिमित्त आमदार पाटील यांनी उपस्थित सर्व बहिणींसाठी दिवाळी फराळाचे आयोजनही केले आहे.
या सोहळ्याला चंदगड विधानसभा मतदारसंघातील सर्व लाडक्या बहिणींनी उपस्थित राहावे, असे आवाहन भाजप तर्फे करण्यात आले आहे.